Azərbaycanın sərbəst güləş üzrə olimpiya çempionu Namiq Abdullayev karyerasını başa vurmaq qərarına gəlib. Apasport.az saytının məlumatına görə, bunu lent.az-a Abdullayevin özü deyib.

2000-ci il Sidney Yay Olimpiya Oyunlarının qalibi iyulun 17-19-da Bakıda keçiriləcək sərbəst, yunan-Roma və qadın güləşi üzrə “Qızıl Qran-Pri” turnirinin final mərhələsi zamanı geniş açıqlama verəcəyini bildirib: “Çox düşündüm, götür-qoy etdim. Sonda güləşçi karyeramı başa vurmağı qərara aldım. Hələlik bu haqda geniş açıqlama vermək istəməzdim. “Qızıl Qran-Pri” turnirinin final mərhələsində jurnalistləri ətraflı məlumatlandıracağam”.

Namiq Abdullayevin güləşlə təntənəli vida mərasiminin məhz “Qızıl Qran-Pri” turnirində reallaşacağı gözlənilir.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO