Bolqarıstanın Plovdiv şəhərində təşkil olunan qılıncoynatma üzrə Avropa çempionatının startı Azərbaycan yığması üçün uğursuz olub. Apasport.az saytının məlumatına görə, yarışa qatılan 4 idmançımızdan 2-si artıq çıxışını başa vurub.

Sablya növündə qüvvəsini sınayan Ramin Əmirov və Azər Tağıyev uğursuzluqla üzləşiblər. Hər iki “muşketyor”umuz mübarizəni ilkin mərhələdə dayandırıb. 24 yaşlı Ramin 47-ci pillədə qalıb. 16 yaşlı Azər isə 59 iştirakçı arasında 55-ci yeri tutub. Qızıl medala rusiyalı Venyamin Reşetnikov layiq görülüb.

Qalan iki həmyerlimiz Sabina Mikina (sablya) və Vəkil Nəsibov (şpaqa) sabah bacarığını nümayiş etdirəcək. Qitə birinciliyi iyulun 19-da yekunlaşacaq.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO