“İlk mərhələdə heç bir problemlə üzləşmədim. Azərbaycanlı boksçu ilə döyüşün 3-cü raundunda rinqdə ağır tərpənirdim. Həmin vaxt əsas məqsədim zədə amilindən qorunmaq idi”. Apasport.az saytının məlumatına görə, bu sözləri İtaliya yığmasının boksçusu Vinçenzo Pikardi deyib.

Boksçumuz Nihat Seyidov (51 kq) İtaliyanın Milan şəhərində keçirilən dünya çempionatının təsnifat mərhələsində məhz Pikardiyə uduzaraq, mübarizəni dayandırıb. 18 yaşlı idmançımız üzərində qazanılan qələbədən sonra italiyalı sevincini gizlətməyib: “Çıxışımdan razıyam. Düzgün taktika seçdiyim üçün qalib gəldim”.

Qeyd edək ki, 26 yaşlı Vinçenzo Pekin Olimpiadasının, həmçinin dünya və Avropa çempionatının bürünc mükafatçısıdır. O, 2006-cı ildə keçirilmiş qitə çempionatında həmyerlimiz Samir Məmmədova məğlub olmuşdu.

• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO