Sentyabrın 16-da Qusar Olimpiya idman kompleksində kişi və qadınlar arasında universal döyüş üzrə Avropa çempionatı start götürəcək. Apasport.az saytının məlumatına görə, çempionatda kişilər 9, qadınlar isə 7 çəki dərəcəsi üzrə mübarizə aparacaq.

Azərbaycan Universal Döyüş Federasiyasına Rusiya, Latviya, Estoniya, Ukrayna, Litva, Moldova, Yunanıstan, Türkiyə, Rumıniya və digər ölkələrin idmançılarının çempionatda iştirakına dair təsdiqləyici sənədlər daxil olub. 5 günlük birincilikdə yığmamız iki heyətlə çıxış edəcək.

Qeyd edək ki, Azərbaycan yığma komandası qitə birinciliyinə hazırlıq məqsədilə avqustun 25-dən Bakıda təlim-məşq toplantısına başlayıb. Üç həftə davam edəcək toplantı baş məşqçi Fərhad Ocaqverdiyevin rəhbərliyi ilə keçirilir.

AzərTac

• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO