Sentyabrın 21-dən 27-dək Danimarkanın Herninq şəhərində keçiriləcək dünya çempionatında iştirak edəcək Azərbaycan güləş yığmasının heyəti açıqlanıb. Azərbaycan Güləş Federasiyasının (AGF) mətbuat xidmətindən apasport.az saytına verilən məlumata görə, qarşıdakı yarışda ölkəmizin şərəfini 19 idmançı qoruyacaq.

Milli komandamızın heyəti Qazaxıstanla birgə keçirilən təlim-məşq toplanışı zamanı müəyyənləşib. AGF-nin I vitse-prezidenti Namiq Əliyev hazırlıq prosesindən öncə idmançılar qarşısında çıxış edərək, pəhləvanlarımıza böyük ümid bəslədiklərini söyləyib və onlara uğurlar arzulayıb.

Dünya çempionatına sərbəst güləş üzrə yığmamızın üzvlərindən Namiq Sevdimov (55 kq), Zəlimxan Hüseynov (60 kq), Cəbrayıl Həsənov (66 kq), Çamsulvara Çamsulvarayev (74 kq), Şərif Şərifov (84 kq), Xetaq Qazyumov (96 kq) və Əli İsayev (120 kq) qatılacaq. Yunan-Roma növündə Rövşən Bayramov (55 kq), Vitali Rəhimov (60 kq), Fərid Mansurov (66 kq), Rafiq Hüseynov (74 kq), Şalva Qadabadze (84 kq) və Denis Mişin (96 kq) güləşəcək. Qadınlardan ibarət milli komandamızın heyətində isə Mariya Stadnik (48 kq), Sona Əhmədli (55 kq), Yuliya Radkeviç (59 kq), Olesya Zamula (63 kq), Zümrüd Qurbanhacıyeva (67 kq) və Dina İvanova (72 kq) yer alıb.

• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb