“Bakıda cüdo kompleksi tikiləcək. Artıq bu kompleksin tikintisi üçün torpaq sahəsi ayrılıb”. Apasport.az saytının məlumatına görə, bu sözləri Azərbaycan Cüdo Federasiyasının prezidenti Füzuli Ələkbərov deyib.

Bu gün Milli Olimpiya Komitəsində gənc cüdoçuların Ermənistanda keçirilən Avropa çempionatındakı nəticələri ilə bağlı təşkil olunan tədbirdən sonra Ələkbərov jurnalistlərin suallarını cavablandırarkən bildirib ki, kompleksin layihəsi əcnəbi memar tərəfindən hazırlanacaq: “Kompleksin layihəsini Avropa Cüdo Federasiyası tərəfindən göndərilən memar hazırlayacaq. Tikiləcək kompleks Avropa Cüdo Mərkəzi adlanacaq. Avropa çempionatı bir daha göstərdi ki, perspektivli idmançılarımız var. Ehtiyat qüvvəmiz kifayət qədərdir. İndi 2012-ci ildə keçiriləcək London Olimpiadasına hazırlaşırıq. 15 idmançımız var ki, orada uğurlu çıxış edə bilər”.

• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb