Danimarkada keçirilən dünya çempionatında uğurla çıxış etmiş sərbəst güləş üzrə Azərbaycan yığma komandası vətənə qayıdıb. Apasport.az saytının xəbərinə görə, pəhləvanlarımızı hava limanında Azərbaycan Güləş Federasiyasının əməkdaşları, media nümayəndələri və azarkeş kütləsi qarşılayıb.

Hava limanında media nümayəndələrinə müsahibə verən dünya ikincisi Xetaq Qazyumov Azərbaycan xalqının onlarla fəxr edə biləcəyini, qızıl medal qazanmağa çox yaxın olduqlarını bildirib. O, komandamızın yaxşı nəticə göstərdiyini, 2-ci yerə layiq görüldüyünü qeyd edib.

Yığma komandamızın baş məşqçisi Saypulla Absaidov isə yarışa dünyanın 40 ölkəsinin qatıldığını və komandaların güclü olduqlarını bildirib. Bunlara baxmayaraq, komandamızın 2-ci yerə çıxmasını baş məşqçi yüksək qiymətləndirib. O, bütün idmançılarımızın yarışa qızıl medal qazanmaq əzmi ilə hazırlaşdıqlarını, ancaq bəzi səhvlər edərək birinci ola bilmədiklərini vurğulayıb.

“Biz hazırlıqlarımızı davam etdirəcəyik və yavaş-yavaş Azərbaycan yığma komandası dünyada lider olacaq. Mən buna ürəkdən inanıram” - deyə baş məşqçi əlavə edib.

• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb