Türkiyənin Antalya şəhərində keçirilən görmə qüsurlu kişi və qadınlar arasında cüdo üzrə dünya çempionatına yekun vurulub. Lent.az-ın məlumatına görə, yarışda iştirak edən Azərbaycan milli komandası 2 qızıl, 3 bürünc medal qazanıb.

Yarışın son günündə ikiqat paralimpiya çempionu İlham Zəkiyev dünya çempionu olub. 100 kq-dan yuxarı çəki dərəcəsində çıxış edən cüdoçumuz Kanada, Kuba, Macarıstan və İran təmsilçilərini yendikdən sonra qızıl medala yiyələnib. Digər cüdoçularımıza gəldikdə, Çinarə Rzazadə (78 kq), Tofiq Məmmədov (90 kq) və Xəyal Qəniyev (100 kq) mükafatçılar sırasına düşə bilməyiblər.

Qeyd edək ki, dünya çempionatının ilk 2 günündə Afaq Sultanova (57 kq) qızıl, Ramin İbrahimov (60 kq), Natiq Novruzzadə (73 kq) və Rövşən Səfərov (81 kq) bürünc medal qazanıblar.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb