Aprelin 13-18-də Bakıda keçiriləcək yunan-Roma, sərbəst və qadın güləşi üzrə Avropa çempionatına hazırlıq davam edir. Apasport.az saytının xəbərinə görə, yarışda Azərbaycan da daxil olmaqla, 38 ölkədən 450-yə yaxın idmançının iştirakı gözlənilir.

Avropa çempionatında mübarizə aparacaq komandalar ölkəmizə aprelin 10-dan etibarən gəlməyə başlayacaqlar.

Heydər Əliyev adına İdman-Konsert Kompleksində (Abbas Səhhət küçəsi 2) keçiriləcək yarışlar hər gün saat 13:00-da başlayacaq. Təntənəli açılış mərasimi aprelin 13-də saat 18:30-da olacaq. Azarkeşlərin arenaya girişi pulsuz olacaq.

Sabah isə Azərbaycan Güləş Federasiyasının I vitse-prezidenti Namiq Əliyev sərbəst və yunan-Roma güləşi üzrə komandalarımızın üzvləri ilə görüşəcək. Həmin görüşdə Avropa çempionatında ölkəmizi təmsil edəcək pəhləvanlarımızın adı açıqlanacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb