Aprelin 13-də Heydər Əliyev adına İdman-Konsert Kompleksində start götürəcək sərbəst, yunan-Roma və qadın güləşi üzrə Avropa çempionatında Ermənistan yığması iştirak etməyəcək. Bu haqda Lent.az-a Azərbaycan Güləş Federasiyasının Mətbuat və İctimaiyyətlə Əlaqələr Departamentindən məlumat verilib.

Beynəlxalq Güləş Federasiyaları Assosiasiyası (FİLA) Ermənistan Güləş Federasiyasına (EGF) göndərdiyi məktubda bu ölkə təmsilçilərinin qitə çempionatına qatılmalarının mümkünsüzlüyünü bildirib. Sənəddə səbəb kimi çempionata çox az vaxt qalmasına baxmayaraq, Ermənistan tərəfinin hələ də sifariş ərizəsi göndərməməsi göstərilib.

Qeyd edək ki, AGF-nin I vitse-prezidenti Namiq Əliyev aprelin 8-də jurnalistlərə verdiyi açıqlamada EGF-nin iki ay öncə Avropa çempionatına gələcəkləri haqda məlumat verdikdən sonra iştiraklarını rəsmən təsdiqləmədiklərini bildirib. Buna görə də Azərbaycan tərəfi yarışadək vaxtın çox az qaldığını nəzərə alaraq, FİLA rəsmilərini bu haqda məlumatlandırıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb