Azərbaycanlı qrossmeysterlər - Şəhriyar Məmmədyarovla Vüqar Həşimov Almaniya çempionatında iştirak ediblər. Apasport.az saytının məlumatına görə, “Verder”in heyətində yer alan zəka sahiblərimiz yarışın gümüş mükafatına layiq görülüblər.

Son turlarda “Solinqen” və “Remaqen-1950” komandaları ilə oyunlarda Şəhriyar Məmmədyarov ehtiyatda qalsa da, Vüqar Haşımov komandasının ikinci olmasına öz töhfəsini verib.

Birinci lövhədə mübarizə aparan həmyerlimiz “Solinqen”li Predraqa Nikoliçə qalib gəlib. “Remaqen-1950” komandasında Robert Xubnerlə matçda isə heç-heçə edib.

Beləliklə, 15 turdan sonra aktivində 27 xalı olan “Verder” “Baden-Baden” komandasından sonra Almaniya çempionatında fəxri kürsünün ikinci pilləsinə qalxıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb