Küveytin Gənclər və İdman məsələləri üzrə Dövlət Komitəsinin sədri, general Feysəl Musaid Əl-Cəzzafı Bakıdadır. Azərbaycan Gənclər və İdman Nazirliyindən apasport.az saytına verilən məlumata görə, asiyalı nümayəndə heyətinin Azərbaycana səfəri dünəndən başlayıb.

Səfər çərçivəsində gənclər və idman sahəsində fikir mübadiləsinin aparılması, iki ölkə arasında əməkdaşlığın daha səmərəli inkişafını təmin etmək üçün əlaqələrin perspektivlərinin müzakirə edilməsi nəzərdə tutulub.

Qonaqlar gənclər və idman naziri Azad Rəhimovla da görüşəcək, eyni zamanda səfər proqramına uyğun Azərbaycan və Küveyt arasında idman və gənclər sahəsində əməkdaşlıq sazişi imzalayacaqlar.

Bununla yanaşı, Küveyt nümayəndə heyəti Quba, Qusar, Şağan Olimpiya İdman Komplekslərində olacaq, güləş üzrə Avropa çempionatının açılış mərasimində iştirak edəcək.

Daha sonra respublikanın bir sıra gənclər təşkilatlarının üzvləri ilə görüşəcək, regionlar səfər edib, Azərbaycanın tarixi məkanlarında olacaqlar.

Küveytli rəsmilərin Azərbaycana səfəri aprelin 18-də başa çatacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb