“Dünən bir günlük evə buraxılmışdıq. Bu gündən yenə məşqlərimizi bərpa etmişik”. Bunu apasport.az saytına açıqlamasında Azərbaycan cüdoçusu, ikiqat Avropa çempionu, dünya çempionatının bürünc mükafatçısı Kifayət Qasımova (57 kq) deyib.

26 yaşlı cüdoçu mundialda ciddi zədələndikdən sonra ikinci dəfə təlim-məşq toplanışında iştirak edir. O, Zağulbada təlim-məşq toplanışı üçün yaradılan şəraitdən narazılığını bildirib: “Məşqlərimiz qaydasındadır. Ağayar Axundzadə başda olmaqla, məşqçilərin nəzarətindəyik. Bir neçə gün öncə ayağımda ağrılar baş qaldırmışdı. İndi isə sağlamlığımla bağlı problem var. Yaxşı qidalana bilmirik, mədə-bağırsaq sistemim normal fəaliyyətindən çıxıb. Özümü heç də yaxşı hiss etmirəm”.

Qeyd edək ki, Zağulbadakı təlim-məşq toplanışı aprelin 22-24-də Avstriyanın Vyana şəhərində keçiriləcək Avropa çempionatına hazırlıq məqsədi daşıyır. Kifayət hazırlığa cəlb olunsa da, çempionatda mübarizə aparmayacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb