Avstriyanın paytaxtı Vyanada cüdo üzrə Avropa çempionatı start götürüb. Apasport.az saytının məlumatına görə, bu gün tatamiyə 2 həmyerlimiz - İlqar Müşkiyev (60 kq) və Tərlan Kərimov (66 kq) çıxıb.

Təəssüf ki, təmsilçilərimizdən Müşkiyev 1/16 final mərhələsində, Kərimov isə 1/8 final mərhələsində mübarizəni dayandırıb. Onlar 1/4 final mərhələsindən tez uduzduqlarından bürünc medal uğrunda döyüşlərə qatılmayıblar.

Cüdoçularımızdan sabah Elxan Rəcəbli (81 kq) qüvvəsini sınayacaq. Avropa çempionatının son günü isə Elxan Məmmədov (90 kq) və Elmar Qasımov (100 kq) mübarizəyə qoşulacaqlar.

60 kq
Bu çəki dərəcəsində qüvvəsini sınayan İlqar Müşkiyev ilk görüşdə rusiyalı Beslan Mudranovla qarşılaşıb. Ermənistanda keçirilən Avropa birinciliyində gümüş medal qazanan cüdoçumuz Avstriyada bu uğuru təkrarlaya bilməyib. Rəqibin öncə yuko fəndinə “düşən” Müşkiyev tatamidə cəmi 1 dəqiqə 43 saniyə tab gətirə bilib. Növbəti mərhələyə ipponla qalib gələn Mudranov adlayıb. Təmsilçimiz ilkin mərhələdə uduzduğu üçün təsəlliverici görüşlərə qatılmayıb.

66 kq
Təmsilçimiz Tərlan Kərimov 1/16 final mərhələsində Neoklis Skouroumounisi (Kipr) sınağa çəkib. Vazari fəndi ilə rəqibini məğlub edən Kərimov, 1/8 final mərhələsinə yüksəlib. O bu mərhələ avstriyalı Andreac Mitterfellnerlə qarşılaşıb. Görüş cəmi 1 dəqiqə 42 saniyə davam edib. İlqar Müşkiyev kimi Tərlan Kərimov da ipponla uduzub. Həmyerlimiz mübarizəni bu mərhələdə dayandırdığı üçün bürünc medallar uğrunda görüşlərdən məhrum olub.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb