Atletika üzrə Azərbaycan yığmasının lideri Ramil Quliyev məşqlərini bərpa edib. Bu barədə apasport.az saytına milli komandanın baş məşqçisi Məhərrəm Sultanzadə məlumat verib. Sultanzadə qeyd edib ki, artıq atletimiz zədəsini tam sağaldıb.

“Ramil Quliyev qış mövsümündə heç bir yarışda iştirak etmədi. Buna səbəb onun belində olan problem idi. Artıq onun zədəsi sağalıb. Atletimiz yaxın günlərdə Sankt-Peterburqda bir daha müayinədən keçib və yarışlarda iştirakı üçün icazə verilib” – deyə baş məşqçi bildirib.

Atletimiz mayın 9-23-də Türkiyədə keçiriləcək təlim-məşq toplanışında da iştirak edəcək. Yığmanın baş məşqçisi onunla birlikdə Ruslan Abbasov və Valentin Buliçevi də səfərə aparacaq. Hazırlıqda əsas məqsəd iyunun 19-20-də komandalar arasında keçiriləcək Avropa çempionatına ciddi hazırlaşmaqdır.

Sultanzadə, həmçinin bildirib ki, millimizin efiopiyalı atletləri də mayın 20-də Türkiyədə təlim-məşq toplanışına start verəcəklər. Orta və uzun məsafələrdə ölkəmizi təmsil edən legionerlərin Boludakı məşqləri 5 gün çəkəcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb