Aprelin 29-dan mayın 3-dək Bakıda mərhum prezident Heydər Əliyevin anadan olmasının 87-ci ildönümü münasibətilə beynəlxalq şahmat yarışı keçiriləcək. Apasport.az saytının məlumatına görə, Azərbaycan Şahmat Federasiyasının (AŞF) rəhbərliyi planetin tanınmış qrossmeysterlərini ölkəmizə dəvət edib.

Belə ki, yarışda iştirak etmək üçün sabiq dünya çempionu Vladimir Kramnik (Rusiya), Dünya Kubokunun qalibi Qata Kamski (ABŞ), Emil Sutovski (İsrail) və bolqarıstanlı xanım şahmatçı Yudit Polqarın Bakıya gələcəyi artıq dəqiqləşib. Daha iki məşhur qrossmeysterə dəvət göndəriləcəyi isə, istisna deyil.

Qeyd edək ki, ötən il analoji yarışda iştirak etmək üçün Vladimir Karamnik, Vişvanatan Anand, Sergey Karyakin və Aleksey Şirov Bakıya gəlmişdilər. Həmin şahmatçılardan ibarət dünya yığması Azərbaycan millisini sınağa çəkmişdi. Amma bu dəfə komanda şəkilində mübarizə olmayacaq və şahmatçılar fərdi mübarizə aparacaqlar.

Azərbaycanı isə turnirdə Şəhriyar Məmmədyarovla Teymur Rəcəbov təmsil edəcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb