Ermənistanın boks üzrə gənclərdən ibarət milli komandası bu gün səhər saatlarında Bakıya gəlib. Bu haqda Lent.az-a Azərbaycan Boks Federasiyasının I vitse-prezidenti Ağacan Abiyev məlumat verib.

Onun sözlərinə görə, Ermənistan nümayəndə heyətini Azərbaycan paytaxtına Tbilisi – Bakı reysi ilə hərəkət edən təyyarə gətirib. Onlar aprelin 25-də “Sərhədçi” Olimpiya Mərkəzində start götürəcək gənclər arasında dünya çempionatında iştirak edəcəklər. Dünya çempionatı 14 – 26 avqustda Sinqapurda keçiriləcək Yeniyetmələrin I Yay Olimpiya Oyunlarına lisenziya xarakteri daşıyacaq.

Ermənistan nümayəndə heyətinin tərkibi 13 nəfərdən ibarətdir. Onlardan 6-sı boksçu, qalanları isə məşqçi və digər rəsmi şəxslərdir. Nümayəndə heyəti Bakıdakı idman komplekslərindən birində yerləşdirilib. Onlar xüsusi təhlükəsizlik tədbirləri şəraitində saxlanılırlar və heç bir ölkə yığması ilə qonşuluqda deyillər.

Qeyd edək ki, dünya çempionatının açılış mərasimi aprelin 25-də saat 18:00-da olacaq. Yarış mayın 3-dək davam edəcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb