“Dünya Kubokuna yollanan 6 idmançımızdan heç biri mükafatçılar arasında yer ala bilmədilər. Lakin onların çıxışı məni qane etdi”. Bu sözləri apasport.az saytına açıqlamasında stend atıcılığı üzrə Azərbaycan yığmasının baş məşqçisi Hafiz Cəfərov deyib.

Milli komandamız Çində keçirilən Dünya Kubokunda medal qazana bilməsə də, Cəfərov atıcılardan razı qalıb: “Ona görə ki, bu il ilk dəfə iştirak etdiyimiz yarışda atıcılarımızın qarşısına medal qazanmaq tapşırığı qoymamışdıq. Yarışa yollanmağımızda əsas məqsəd təcrübə toplamaq idi”.

Lisenziya yarışlarında yetirmələrinin medal qazanacaqlarına inandığı söyləyən baş məşqçi Dünya Kubokunun bir idmançımız üçün əlamətdar olduğunu da bildirib: “Dünya Kuboku Nurlana Cəfərova uçun yaddaqalan oldu. Yarışda 12-ci yeri tutan atıcımız bu nəticə ilə idman ustası normativini doldurdu”.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb