“Azərbaycanın şahmat üzrə yığması dünyanın güclü kollektivlərindən biridir. Avropa çempionu olduqdan sonra millimiz dünya çempionatında potensialından zəif çıxış etdi və 4-cü oldu. Bu, komandanın zəifləməsi kimi qəbul edilməli deyil”. Apasport.az saytının xəbərinə görə, bu fikirləri “Prezident kuboku” turnirinin açılış mərasimindən sonra Azərbaycan Şahmat Federasiyasının prezidenti Elman Rüstəmov deyib.

Rüstəmov hətta komandamızı “Barselona” ilə də müqayisə edib: “İnter”lə yarımfinal oyununda “Barselona” uduzsa da, ispanlar dünyanın ən güclü komandası hesab olunurlar. Onların yarışdan kənarlaşdırılması heç də zəif olmalarını əks etdirmir. İnanıram ki, bizim şahmatçılar da qələbələrini sıralayacaqlar”.

Federasiya başçısı Vüqar Həşimovun da millidən kənarda qalmasına münasibət bildirib: “Vüqar yaxşı oğlandır. Federasiyanın onunla heç bir problemi yoxdur və o hansısa zəif çıxışına görə, heyətdən kənarda qalmayıb”.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb