Bakıda mərhum prezident Heydər Əliyevin xatirəsinə həsr olunmuş pauerliftinq üzrə kişi və qadınlar arasında Dünya kubokuna hazırlıqla bağlı mətbuat konfransı keçirilib. Apasport.az saytının məlumatına görə, konfransda Beynəlxalq Pauerliftinq Federasiyasının (WPC) prezidenti Mayk Svini, Rusiya Pauerliftinq Federasiyasının (RPF) prezidenti Yuri Ustinov və Azərbaycan Pauerliftinq Federasiyasının (APF) prezidenti Ələddin Əliyev iştirak ediblər.

Azərbaycana yenidən gəldiyi üçün şad olduğunu bildirən Mayk Svini ölkəmizin ardıcıl olaraq mötəbər yarışlara ev sahibliyi etməsini müsbət qiymətləndirib: “Prezident İlham Əliyevin idmana göstərdiyi yüksək diqqət və qayğısından sayəsində Azərbaycan idman ölkəsinə çevrilib. Bunun nəticəsi olaraq, Bakıda daha bir beynəlxalq yarış start götürür. Pauerliftinqçilərin mübarizə aparacağı yarışda dünyanın 17 ölkəsindən 200 idmançı iştirak edəcək”.

Azərbaycanda mötəbər yarışların keçirilməsi üçün gözəl şəraitin olduğunu bildirən Yuri Ustinov tikilən Olimpiya Komplekslərinin ölkəmizdə idmanın inkişafının göstəricisi olduğunu bildirib. O, Azərbaycanın pauerliftinq üzrə digər mötəbər yarışlara da ev sahibliyi edəcəyinə əminliyini qeyd edib.

Daha sonra Ələddin Əliyev bildirib ki, Bakıda keçiriləcək pauerliftinq üzrə Dünya kuboku yarışları üçün ABŞ-dan yeni avadanlıq alınıb. Yarışın medalları xüsusi olaraq İtaliyada hazırlanıb.

AzərTac

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb