Rusiyanın Həştərxan şəhərində FİDE Qran-Pri turnirinin növbəti mərhələsi start götürüb. Apasport.az saytının xəbərinə görə, bu gün yarışın ilk turunun oyunları keçirilib. Turnirdə mübarizə aparan 3 Azərbaycan şahmatçısından yalnız biri turu qələbə ilə başa vurub. Ümumiyyətlə, günün baş tutan partiyalarında yalnız bir qələbə qeydə alınıb ki, burada da Vüqar Həşimov ağ fiqurlarla ukraynalı Vasili İvançuku 34-cü gedişdə təslim edib.

Vüqar Həşimov (Azərbaycan) – Vasili İvançuk (Ukrayna) – 1:0
Vladimir Akopyan (Ermənistan) – Boris Gelfand (İsrail) – 0,5:0,5
Şəhriyar Məmmədyarov (Azərbaycan) – Dmitri Yakovenko (Rusiya) – 0,5:0,5
Van Yue (Çin) – Peter Leko (Macarıstan) – 0,5:0,5
Yevgeni Alekseyev (Rusiya) – Teymur Rəcəbov (Azərbaycan) – 0,5:0,5
Ernesto İnarkiyev (Rusiya) – Ruslan Ponomaryov (Ukrayna) – 0,5:0,5
Pavel Elyanov (Ukrayna) – Petr Svidler (Rusiya) – 0,5:0,5

İkinci turun oyunları sabah baş tutacaq. Həmvətənlərimizdən Rəcəbov ağ fiqurlarla İnarkiyevə qarşı oynayacaq. Qara fiqurlarla oynayacaq Həşimov Yakovenko ilə, Məmmədyarov isə Gelfandla üz-üzə gələcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb