Rusiyanın Sankt-Peterburq şəhərində keçirilən parataekvondoçular arasında II dünya çempionatı başa çatıb. Apasport.az saytının məlumatına görə, yarışda 10 taekvondoçu ilə iştirak edən Azərbaycan yığması 1 qızıl, 4 gümüş və 4 bürünc medal qazanıb.

Bu medallardan səkkizi kişi idmançılarımızın payına düşüb. Belə ki, Əvəz Tağıyevin yetirmələrindən Hüseyn Həsənov qızıl, Mahmud Səmədov, Vüsal İsmayılov, Cahangir Bayramov, Anar Hüseynov gümüş, Emin Nursəddinov, Rövşən Qəhrəmanlı və Vüqar Adışirinov bürünc medallara layiq görülüblər.

Taekvondoçularımızın dünya çempionatında uğurlu çıxışı onların medal sayına görə komanda hesabında 1-ci olması ilə nəticələnib.

Qadınların mübarizəsində Azərbaycanın idman şərəfini Aynur Məmmədova qoruyub. Yarışda yeganə təmsilçimiz ilk dəfə dünya çempionatında iştirak etməsinə baxmayaraq, bürünc medalla kifayətlənib.

Qeyd edək ki, ilk dünya çempionatı Bakıda keçirilmişdi. Həmin yarışda Azərbaycan idmançıları 1 qızıl, 1 gümüş və 2 bürünc medala sahib olmuşdular.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb