Braziliya yığmasının CAR-da keçiriləcək dünya çempionatının final mərhələsində oynayacaq heyəti müəyyənləşib. Apasport.az saytının məlumatına görə, digər yığmalardan fərqli, sambaçıların baş məşqçisi Dunqa ilkin heyəti deyil, birbaşa “23-lüy”ü açıqlayıb.

Cənubi amerikalılar sayca 6-cı çempionluğunu qazanmaq iddiasını bir sıra ulduzları olmadan gerçəkləşdirməli olacaq. Belə ki, Dunqa Ronaldo, Ronaldinyo, Adriano kimi əfsanələri əvvəlcədən söz verdiyi kimi, heyətə cəlb etməyib. “Flamenqo”da çıxış edən Adrianonun yoxluğu Braziliyada ciddi narazılığa səbəb olub. Dunqa mundiala cəmi 4 hücumçu ilə yollanmaqla da həmyerlilərinin qəzəbinə səbəb olub.

Qapıçılar: Julio Sezar (“İnter”, İtaliya), Aurelio Qomes (“Tottenhem”, İngiltərə), Aleşander Doni (“Roma”, İtaliya);

Müdafiəçilər: Maykon, Lusio (hər ikisi “İnter” İtaliya), Dani Alveş (“Barselona”, İspaniya), Jilberto (“Kruzeyro”), Miçel Bastos (“Lion”, Fransa), Juan (“Roma”, İtaliya), Luizao (“Benfika”, Portuqaliya), Tyerri Silva (“Milan”, İtaliya);

Yarımmüdafiəçilər: Jilberto Silva (“Panatinaikos”, Yunanıstan), Felipe Melo (“Yuventus”, İtaliya), Kaka (“Real”, İspaniya), Julio Baptişta (“Roma”, İtaliya), Josuq (“Volfsburq”, Almaniya), Kleberson (“Flamenqo”), Elano (“Qalatasaray”, Türkiyə), Ramires (“Benfika”, Portuqaliya);

Hücumçular: Robinyo (“Santos”), Luis Fabiano (“Sevilya”, İspaniya), Nilmar (“Vilyrreal”, İspaniya), Qrafite (“Volfsburq”, Almaniya).

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb