Rusiyanın Sankt-Peterburq şəhərində keçirilən taekvondo üzrə Avropa çempionatına bu gün yekun vurulacaq. Apasport.az saytının məlumatına görə, yarışın sonuncu günündə 2 idmançımız mübarizəyə qoşulacaq.

87 kq çəki dərəcəsində Azərbaycanın idman şərəfini qoruyan Ramin Əzizov ilk döyüşdə erməni Aram Saakyanı sınağa çəkəcək. Taekvondoçumuz düşmən ölkənin idmançısına qalib gələrsə, növbəti mərhələdə rusiyalı İvan Nikitinlə görüşəcək.

+87 kq çəki dərəcəsində qüvvəsini sınayan Təvəkkül Bayramov yarışa ilk mərhələdən qatılacaq. Onun bu mərhələdə rəqibi türk əsilli Almaniya idmançısı Ülvi Kaya olacaq.

Qeyd edək ki, qitə çempionatında 13 idmançı ilə iştirak edən yığma komandamız hələlik 1 bürünc medal qazanıb. Azərbaycan taekvondoçularından fəxri kürsüdə Elvin Əliyev (74 kq) yer alıb. Ondan fərqli olaraq, ilk 3 gündə çıxış etmiş Samir Aydınov (54 kq), Vasif Qurbanov (58 kq), Ziya Qasımov (63 kq), Fariz Əliyev (68 kq), İlkin Şahbazov (80 kq), Xəyalə Quliyeva (46 kq), Aygül Abdullayeva (49 kq), Arzu Bağırova (53 kq), Seunqmi Li (57 kq), Günay Ağakişiyeva (62 kq) məğlubiyyətlə üzləşiblər.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb