Ukraynanın paytaxtı Kiyevdə keçirilən gənc cüdoçular arasında Avropa kubokunun qalibləri müəyyənləşib. Apasport.az saytının məlumatına görə, məşqçilər Fərhad Məmmədov və Azər Şixəliyevin rəhbərliyi altında yarışa qatılan komandamızın qazancı 2 qızıl medal və 2 bürünc medal olub.

Cüdoçularımızdan Fəqan Eminoğlu (66 kq) və Kənan Nağıyev (90 kq) heç bir rəqibinə aman verməyib və öz çəkilərində qitənin ən güclüsü olduğunu sübut ediblər. Seyran Mahmudov (73 kq) və Fərid Babayev (+100) isə kubok yarışlarını bürünc medalla başa vurublar.

Qeyd edək ki, Avropa kubokundan sonra komandamızın üzvləri 2 günlük təlim-məşq toplanışlarında iştirak etdikdən sonra vətənə dönəcəklər.

Tahir HÜMMƏTOV

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb