İspaniyanın Valensiya şəhərində gənclər arasında ağır atletika üzrə Avropa çempionatı davam edir. Apasport.az saytının məlumatına görə, baş məşqçi Nizami Paşayevin rəhbərliyi altında uğurlu çıxış edən idmançılarımız daha bir medala sahib çıxıblar.

Belə ki, 69 kq çəki dərəcəsində ölkəmizin şərəfini qoruyan Nicat Rəhimov 290 kq (131 kq +159 kq) qaldıraraq, Avropa çempionu adına layiq görülüb. O, həmçinin təkanla kiçik qızıl və birdən qaldırmada kiçik gümüş medala da sahib olub.

Qeyd edək ki, Avropa çempionatının ilk günündə Məhəmməd Seyidovun 2 kiçik və 1 böyük gümüş, ikinci günündə Firudin Quliyev 1 kiçik qızıl, 1 kiçik gümüşlə və 1 böyük gümüş medal qazanıblar.

Komandamızın heyətində ağır çəkili idmançılar - Nailxan Nəbiyev (85 kq) və Ağazaman Əliyev (+94) isə bu gün və sabah podiuma çıxacaqlar.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar