Bu gün Azərbaycanın qaydasız döyüş üzrə milli komandası Avropa yığmasına qarşı matç keçirəcək. Apasport.az saytının xəbərinə görə, millimizin üzvlərinin rəqibləri müəyyənləşib.

Belə ki, 70 kq çəki dərəcəsində Bəxtiyar Arzumanov və Qreqori Xibadzenin gücünü yoxlayacaq. Aqşin Babayev (76 kq) Gil Sarafı, Aleksandr Butenko Tomas Deakı, Adlan Amaqov (93 kq) isə Attila Veylə münasıbətlərinə aydınlıq gətirəcək. +93 kq-da Azərbaycanın idman şərəfini qoruyan Teymur Əliyev Vladimir Kuçenkovla, Şamil Əbdülmüslümov İlya Şkondriçlə, Abdosaqor Əliyev Aleksandr Qrebenkinlə qüvvəsini sınayacaqlar. Yığma komandamızın ən ağırçəkili üzvü Aleksandr Yemelyanenko (115 kq) serbiyalı Miodraq Petkoviçlə mübarizə aparacaq.

Ölkəmizin tanınmış idmançısı Zabit Samədov isə K-1 döyüşündə nəyə qadir olduğunu nümayiş etdirəcək. O, hollandiyalı Aleksandr Novoviçlə üz-üzə gələcək.

Qeyd edək ki, Avropa komandasının tərkibində Fransa, Rusiya, Slovakiya, Macarıstan, Ukrayna idmançıları yer alıblar.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb