Argentina yığmasının baş məşqçisi Dieqo Maradona növbəti şok açıqlamasını verib. Apasport.az saytının məlumatına görə, dünya futbolunun argentinalı əfsanəsi DÇ-2010-un qalibi olacaqları halda, vətənində lüt qaçacağına söz verib: “Əgər biz dünya çempionu olsaq, paytaxtımız Buenos-Ayresin simvolu olan 67 metrlik Oberliskin ətrafında lüt qaçacağımı vəd edirəm”.

Argentina mətbuatı iddia edir ki, Maradona sözünə əməl edəcək. Çünki o, əvvəllər “El Grafico” jurnalında lüt poza veribmiş.

50 yaşlı çalışdırıcı yığmasının lideri olan Lionel Messini mundiala qədər qoruyacağını da bildirib: “Məhz bu səbəbdən onu Kanadanı 5:0 hesabı ilə məğlub etdiyimiz yoldaşlıq görüşündə meydana buraxmadım. Messi əzələsini dartdığından risk etmək istəmədim. Mənim üçün əsas odur ki, Lionel iyunun 12-ə qədər ideal formada olsun”.

Qeyd edək ki, Maradona futbolçu kimi dünya çempionu olub. O, DÇ-1986-da yığmasının kapitanı kimi dünya kubokunu başı üzərinə qaldırıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb