Almaniya yığması DÇ-2010 öncəsi növbəti itki ilə üzləşib. Apasport.az saytının məlumatına görə, bundestimin əsas müdafiəçilərindən olan Hayko Vestermann mundialı buraxmalı olacaq.

Buna səbəb “Şalke” klubunda çıxış edən 26 yaşlı müdafiənin yığmasının heyətində Macarıstanla yoldaşlıq görüşünün (3:0) son dəqiqələrində dabanından aldığı zədədir. Buna qədər kapitanı Mihael Ballak və bir neçə futbolçusunu zədə üzündən itirən Almaniya millisinin baş məşqçisi Yoahim Löv məyusluğunu gizlətmir: “Mən çox üzgünəm ki, Hayko CAR-a getməyəcək. Vestermann əla futbolçudur, üstəlik, universaldır. Buna görə onun yoxluğu bizim üçün böyük itkidir”.

Qeyd edək ki, keçən yay Bakıya gələn Vestermann yığmamızla ötən seçmə mərhələdə keçirilən görüşlərdə iştirak edib.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb