Cənubi Afrika Respublikasında keçiriləcək dünya çempionatının finalına yollanacaq Kot d`ivuar yığmasının 23-lüyü məlum olub.

Apasport.az saytının məlumatına görə, komandanın baş məşqçisi Sven Yoran Eriksson yerli çempionatdan cəmi bir futbolçunun köməyinə ehtiyac duyub. Təcrübəli mütəxəssis Avropada çıxış edən aparıcı “fillər”in sırasına Vaqif Cavadovun komanda yoldaşı İsmael Tioteni də qatıb.

Braziliya, KXDR və Portuqaliya milliləri ilə G qrupunda yer alan Kot d`ivuar yığmasının yekun heyəti belədir:

Qapıçılar: Boubacar Barri (“Lokeren”, Belçika), Daniel Yeboa (ASEK Abidjan), Aristides Zoqbo (“Makkabi” Netaniya, İsrail).

Müdafiəçilər: Süleyman Bamba (“Hibernian”, Şotlandiya), Artur Boka (“Ştutqart”, Almaniya), Emmanuel Ebue (“Arsenal”, İngiltərə), Kolo Ture (“Arsenal”, İngiltərə), Benjamin Brou Anqua, Siaka Tene (hər ikisi “Valensiyen”, Fransa), Guy Demel (“Hamburq”, Almaniya), Stiv Qoxuri (“Viqan”, İngiltərə).

Yarımmüdafiəçilər: Yaya Ture (“Barselona”, İspaniya), Emmanuel Kone (ÇFR, Rumıniya), Fae (“Nitsa”, Fransa), Abdulkader Keyta (“Qalatasaray”, Türkiyə), İsmael Tiote (“Tvente”, Hollandiya), Romarik, Didyer Zokora (hər ikisi “Seviya”), Yapi Yapo (“Yanq Boyz”, İsveçrə).

Hücumçular: Dindan Aruna (“Portsmut”, İngiltərə), Seydou Dumbya (“Yanq Boyz”, İsveçrə), Didye Droqba, Salomon Kalu (hər kisi “Çelsi”).

Qeyd edək ki, Süleyman Bambanın milli çempionatımızda çıxış etmiş, bombardir olan həmsoyadı Yakuba Bamba da vaxtilə bu yığmanın şərəfini qoruyub.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar