Türkiyədə Yılmaz Sazakın xatirəsinə həsr olunmuş atletika üzrə beynəlxalq turnir başa çatıb. Azərbaycan Gənclər və İdman Nazirliyindən apasport.az saytına verilən məlumatına görə, İstanbul şəhərində keçirilən yarış Azərbaycan atletləri üçün uğurlu olub. Belə ki, komandamızın heyətində qadınlar arasında 100 metr məsafəyə qaçışda finiş xəttinə birinci çatan Lidiya Budlak (12,50 san) fəxri kürsünün ən yüksək pilləsinə qalxıb. Onunla eyni məsafəni qət edən Valeriya Əzizova komanda yoldaşından 0,33 saniyə geri qalaraq gümüş medalla kifayətlənib. O, həmçinin uzunluğa tullanmada 5.36 metr nəticə göstərərək ikinci olub.

Kişi atletlərin yarışında isə yalnız Fariz Vəliyev fərqlənib. Uzunluğa tullanmada 7,09 metr tullanaraq gümüş medala sahib olan həmyerlimiz yığmamıza 4-cü medalı qazandırıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb