İyunun 4-13-də Moskvada təşkil ediləcək boks üzrə Avropa çempionatında iştirakçı ölkələrin sayı dəqiqləşib. Yarışda 42 ölkənin 260 boksçusu rinqə çıxacaq. Apasport.az saytının məlumatına görə, bunu çempionata hazırlıqla bağlı keçirilən mətbuat konfransında Rusiya Boks Federasiyasının prezidenti Boris İvanyujenkov bildirib.

Yarışın gedişində heç bir problemin ortaya çıxmayacağını qeyd edən federasiya rəsmisi Avropa çempionatının yüksək səviyyədə keçəcəyini bildirib.

Qeyd edək ki, Rusiyada keçiriləcək yarışda Azərbaycan komandası tam heyətlə təmsil olunacaq. Burada ölkəmizin idman şərəfini Elvin Məmişzadə (48 kq), Məhəmməd Abdulhəmidov (51 kq), İlkin Ağayev (54 kq), Heybətulla Hacıəliyev (57 kq), Romal Amanov (60 kq), Emil Məhərrəmov (64 kq), Sadiq Eynullayev (69 kq), Rahib Bəylərov (75 kq), Ramazan Məhəmmədov (81 kq), Rəşad Abdullayev (91 kq) və Fərid Paşayev (+91) qoruyacaqlar.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb