İyunun 7-də İtaliyanın Lonato şəhərində stend atıcılığı üzrə Dünya Kubokunun mərhələ yarışı start götürəcək. Yarışda 75 ölkənin 600-ə yaxın snayperinin mübarizə aparacağı gözlənilir.

Apasport.az saytının məlumatına görə, Dünya Kubokunda Azərbaycan yığma komandası 7 atıcı ilə təmsil olunacaq. Apennin yarımadasında ölkəmizin idman şərəfini Zemfira Meftahəddinova, Nurlana Cəfərova, Regina Meftahəddinova Xanhüseyn Bağırov, Emin Cəfərov (hamısı skit növündə), Elçin Babayev və Elvin İsmayılov (hər ikisi trap növündə) qoruyacaqlar. Yarışlara iyunun 16-da yekun vurulacaq.

Qeyd edək ki, Olimpiya Oyunlarının qızıl və bürünc mükafatçısı Zemfira Meftahəddinova Pekin-2008-dən sonra ilk dəfə hədəf önünə çıxacaq. 22 aylıq fasilədən sonra yenidən tüfənginin əlinə alan snayperimiz Dünya kubokunda mükafatçılar sırasına düşməyə iddialıdır.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb