Dünya çempionatının final mərhələsinə hazırlaşan Honduras yığmasının Azərbaycanla yoldaşlıq oyununda qolsuz heç-heçə etməsi Mərkəzi Amerika ölkəsində ciddi narazılıq doğurub. Apasport.az saytının məlumatına görə, honduraslıların ən məşhur futbolçusu David Suazo da özlərinə haqq qazandıran oyunçular sırasına qoşulub.

İtaliyanın “İnter” klubunun 31 yaşlı hücumçusu futbol ictimaiyyətini sakitləşdirməyə çalışıb: “Azərbaycan və Belarusla oyunlarda qol vurmamağım narahatçılığa əsas vermir. Hər şey qaydasındadır. Beş oyundur ki, millidə qol vurmuram. Lakin bu mundial ərəfəsində hər hansı qənaətə gəlməyə əsas vermir”.

Qeyd edək ki, müqavilə ilə “İnter”ə məxsus olmasına baxmayaraq, son dövrlər növbə ilə “Benfika” və “Cenoa”ya icarəyə verilən Suazo Honduras yığmasında 52 oyuna 16 qol vurub. O, 2007/08 mövsümündə İtaliya çempionu adını qazanıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb