Avstriyanın Leybnits şəhərində gənclər arasında keçirilən Avropa Kubokuna yekun vurulub. Apasport.az saytının məlumatına görə, yarışda Fərhad Məmmədov və Azər Şıxəliyevn rəhbərliyi altında 9 cüdoçu ilə qüvvəsini sınayan Azərbaycan yığması 3 medala sahib olub.

Belə ki, idmançılarımızdan Şahin Qəhrəmanov (90 kq) bütün rəqiblərinə qalib gələrək fəxri kürsünün ən yüksək pilləsinə qalxıb. Ondan fərqli, 60 kq çəki dərəcəsində ölkəmizi təmsil edən Mirzə Əsgərov finala kimi irəliləsə də, həlledici mərhələdə məğlub olaraq gümüş medalla kifayətlənib. Komandamıza bürünc medalı isə Elsevər Sadıqzadə (55 kq) qazandırıb.

Qeyd edək ki, komandamızın üzvləri təlim-məşq toplanışında iştirak etdikdən sonra vətənə qayıdacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb