Dünya çempionatı başlamamış İngiltərə yığması ilə bağlı qalmaqalların ardı-arası kəsilmir. Apasport.az saytının məlumatına görə, britaniyalıların baş məşqçisi Fabio Kapello ilk dəfə jurnalistlərlə qıcıqlandırıcı şəkildə davranıb.

İtalyan mütəxəssis Rustenburq şəhərində media nümayəndələri ilə dalaşıb, məşqdə fotoqraf və operatorların üstünə qışqırıb: “Siz niyə çəkirsiniz? Sizə bəraət yoxdur. Jurnalistlərə ümumiyyətlə, rəhm etmək olmaz”.

İnsident anlaşılmazlıq nəticəsində baş verib. Belə ki, Kapello jurnalistləri foto, video çəkilişləri yalnız idman kompleksində edəcəklərini hesab edib. Ancaq bəzi həmkarlarımız futbolçuların arxasınca məşq meydançalarına kimi düşüb. Hətta onlar obyektivlərini futbolçuların qaldıqları otel nömrələrinə tuşlayıb. Bunu görən Kapello fotoqrafların özbaşınalığı ilə əlaqədar onlarla yüksək tonda danışıb.

Qeyd edək ki, İngiltərə yığması ilk turda ABŞ-la oyununa braziliyalı baş hakim Karlos Simonun təyin edilməsinə narazılıq etmişdi.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb