Cənubi Afrika Respublikasında keçiriləcək dünya çempionatını işıqlandırmağa gələn daha 4 jurnalist soyğunçuların hücumuna məruz qalıb. Apasport.az saytının məlumatına görə, çinli həmkarlarımızın maşını saxlanaraq, ciblərində olan pulları və fotoaparatları əllərindən alınıb.

Son 2 gündə 7 jurnalistin qarət edilməsi mundialın təşkilat komitəsini də narahat edib. Onlar CAR-a gələn bütün iştirakçılara müraciət edərək ehtiyatı əldən verməməyə çağırıblar: “Qaldığınız yerdən çıxarkən ehtiyatlı olun! Bahalı əşyalarınızı və pullarınızı hər zaman qoruyun və onları maşının yük yerinə qoymayın. Bundan əlavə, avtomobilinizin qapısını və şüşəsini heç kimə açmayın”.

Qeyd edək ki, bir gün öncə də “qara qitə”də 3 mətbuat nümayəndəsi oğrular tərəfindən soyulmuşdular.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb