Fransa yığmasının futbolçuları baş məşqçi Raymond Domenekin komandadan kənarlaşdırılmasını tələb edirlər. Əslində, çalışdırıcı ilə komandanın liderləri arasında münaqişə çoxdan vardı. Apasport.az saytının xəbərinə görə, qarşıdurma Domenekin əsas oyunçulardan biri Tyeri Anrini yığmada saxlamaq istəmədiyini deməsindən sonra daha da gərginləşib.

İndi iş o yerə çatıb ki, futbolçular Domenekə inanmadıqlarını, meydanda nə etməli olduğunu məşqçidən yaxşı bildiklərini söyləyiblər. Fransa yığmasının futbolçularının əksəriyyəti heyətdə Qurkyuff və Qovunun əvəzinə Anri ilə Abu Diabini görmək istəyirlər.

Kosta-Rikaya qarşı yoldaşlıq matçında Anelka topu Qurkyuffa ötürmək istəməyib. Frank Riberi isə Çinlə oynanan və fransızların məğlubiyyəti ilə başa çatan matçda da başqa futbolçulara topu ötürüb. "Domenekə bəlkə də yardım təklif edər, nəyisə məsləhət görərdik. Lakin o, bizi dinləyən deyil", - Fransa yığmasının müdafiəçisi Bakari Sanya söyləyib.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb