Rusiyanın paytaxtı Moskvada keçirilən boks üzrə Avropa çempionatında bu gün yarımfinal görüşləri keçirilib. Apasport.az saytının məlumatına görə, ilk görüşündə Rusiyanı təmsil edən erməni əsilli David Ayrapetyana qalib gələn həmyerlimiz Elvin Məmişzadə (48 kq) 1/2 finalda da düşmən ölkənin idmançısını sınağa çəkib.

Yarımfinala yüksəlməklə özü üçün bürünc medalı təmin edən boksçumuz finala gedən yolda Hovhannes Danielyanla (Ermənistan) qarşılaşıb. Döyüşə inamlı başlayan Məmişzadə erməni idmançısını rinqə çıxmağa peşman edib. Təmsilçimiz rəqibin 1 dəqiq zərbəsinə 8 zərbə ilə cavab verib. Ən yüngül çəkidə mübarizə aparan Məmişzadə finalda rinqə irlandiyalı Patrik Barnes və ispaniyalı Joze de la Nieve Linares cütünün qalibini dəvət edəcək.

Xatırladaq ki, Avropa çempionatına 11 boksçu ilə yollanan Azərbaycan yığmasının heyətində İlkin Ağayev (54 kq), Heybətulla Hacıəliyev (57 kq), Romal Amanov (60 kq), Sadiq Eynullayev (69 kq), Rahib Bəylərov (75 kq), Ramazan Məhəmmədov (81 kq), Emil Məhərrəmov (64 kq), Rəşad Abdullayev (91 kq) və Fərid Paşayev (+91 kq) ilk mərhələdəcə mübarizəni dayandırıblar. Məhəmməd Abdulhəmidov (51 kq) isə növbəti mərhələyə yüksəlsə də, sənədləri qaydasında olmadığından yarışdan kənarlaşdırılıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb