Cüdo üzrə olimpiya çempionu Elnur Məmmədli zədələnib. Bu haqda Lent.az-a hazırda Rusiyanın paytaxtı Moskvada olan 22 yaşlı idmançımızın özü məlumat verib.

Onun sözlərinə görə, iyulun 3-də Moskvada start götürən “Böyük dəbilqə” turniri öncəsi dizindən xəsarət alıb. Bu səbəbdən, 2008-ci il Pekin Yay Olimpiya Oyunlarının qalibi turnirdə çıxış edə bilməyəcək.

Qeyd edək ki, artıq 81 kq çəki dərəcəsində mübarizə aparan Elnur Məmmədli “Böyük dəbilqə”də ilk görüşünü macarıstanlı Laslo Soknyayla keçirməli idi. Məmmədli Pekin olimpiadasında qızıl medal qazandıqdan sonra məhz dizindəki zədə üzündən uzun müddət heç bir yarışda iştirak etməyib.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM