Hollandiya milli komandasının futbolçusu Aryen Robben dünya çempionatının finalında Almaniya yığmasına uduzacaqları halda “Bavariya”dan gedəcəyini açıqlayıb. Lent.az-ın FİFA-nın rəsmi saytına istinadən verdiyi məlumata görə, 26 yaşlı yarımmüdafiəçi həlledici qarşılaşmada Almaniya ilə görüşmək istədiyini bildirib.

Robben belə bir matçı “arzularının finalı” adlandırıb: “Mən yalnız biz qələbə qazanacağımız halda Bundestimi finalda görmək istərdim. Əks halda, “Bavariya”ya qayıda bilməyəcəyəm. Yeni klub axtarmalı olacağam”.

Futbolçu bildirib ki, Almaniya – İspaniya yarımfinalında Bundestimə, xüsusən, “Bavariya”da çıxış edən futbolçulara azarkeşlik edəcək. Robbenin fikrincə, Almaniya millisi finala çıxmağa layiqdir. Çünki İngiltərə və Argentina kimi komandaları sıradan çıxarıb.

Qeyd edək ki, Hollandiya millisinin Uruqvay üzərində 3:2 hesablı qələbə qazandığı qarşılaşmada Aryen Robben 3-cü qolun müəllifi olub. O, dünya çempionatında komandasının ilk 2 oyununu zədə səbəbindən buraxıb. Hazırda Robbenin aktivində 2 qol var. Final matçı iyulun 11-də olacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM