Cənubi Afrika Respublikasında keçirilən 2010-cu il dünya çempionatının ən yaxşı futbolçusu müəyyənləşib.

Apasport.az saytının məlumatına görə, Uruqvay yığmasının hücumçusu Dieqo Forlan ən yaxşı futbolçu seçilərək, “Qızıl top” mükafatına sahib çıxıb. Madridin “Atletiko” klubunda oynayan Forlana sorğuda iştirak edənlərin 23,4 faizi səs verib. İkinci yer holland yarımmüdafiəçi Uesli Sneyder, üçüncü pillə ispan hücumçu David Vilyaya qismət olub. Hər üç futbolçu mundialda 5 qolla şərikli bombardir olub. DÇ-2010-da 4-cü yer tutan, 11 qoldan 5-nə imza atan Dieqo iki ay öncə “Atletiko”nun heyətində Avroliqanın qalibi olub.

Qeyd edək ki, 2006-cı ildə Almaniyada keçirilən DÇ-2006-da ən yaxşı futbolçu kimi “Qızıl top” mükafatı gümüş mükafatçı olan Fransa yığmasının yarımmüdafiəçisi Zinəddin Zidana verilmişdi.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM