Boks üzrə yeniyetmələrdən ibarət Azərbaycan yığma komandası bu gün Dağıstana yollanıb. Apasport.az saytına məlumatına görə, millinin baş məşqçisi Şamil Əlimcanov səfərə 6 boksçu aparıb. Heyətində Sinqapur-2010-a lisenziya qazanan 3 idmançımızın yer aldığı yığma iyulun 26-na kimi burada təlim-məşq toplanışı keçəcək. Sonra isə idmançılarımız Dağıstanda təşkil ediləcək beynəlxalq turnirdə qüvvəsini sınayacaqlar.

Qeyd edək ki, Ukraynada Kliçko qardaşlarının şərəfinə keçirilən yarışda 2 qızıl, 1 gümüş və 1 bürünc medal qazanan komandamız avqustun 1-də vətənə qayıdacaq. Bakıda 1 həftə hazırlıq keçəcək boksçularımız daha sonra avqustun 14-də start götürəcək Yeniyetmələrin I Yay Olimpiadasında mübarizə aparmaq üçün Sinqapura gedəcəklər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM