İyulun 29-da Almaniyanın Münhen şəhərində stend atıcılığı üzrə dünya çempionatı start götürəcək. Apasport.az saytının məlumatına görə, London Olimpiya Oyunlarına lisenziya verən yarışda Azərbaycanın idman şərəfini 8 idmançı qoruyacaq.

5 gün davam edəcək çempionatda Olimpiya çempionumuz Zemfira Meftahəddinova da qüvvəsini sınayacaq.

Səfərə iyulun 30-da yollanacaq Azərbaycan yığmasının baş məşqçisi Hafiz Cəfərov yetirmələrinin ilk lisenziya yarışında uğur qazanacaqlarına inanır. Məşqçinin sözlərinə görə, dünya çempionatında 2 idmançıya daha böyük ümid bəsləyir: “Bu mötəbər yarış Olimpiadaya lisenziya verdiyindən xüsusi önəm daşıyır. Səfərə yollanacaq heyətdə Zemfira Meftahəddinova və Emin Cəfərov ilk cəhddəcə Londona vəsiqə ala bilərlər. Rəqabət güclü olsa da, bu snayperlər kifayət qədər təcrübəlidirlər və bu onların köməyinə gələ bilər”.

Qeyd edək ki, dünya çempionatında qadınlar arasında 1-3-cü, kişilər arasında isə 1-5-ci yerləri tutacaq idmançılar London-2012-yə vəsiqə qazanacaqlar.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM