Avro-2012-nin seçmə mərhələsinin Azərbaycan yığması ilə oyununda Qazaxıstan milli komandası əsasən təcrübəli futbolçulara güvənəcək. Apasport.az saytının məlumatına görə, A qrupunda 5-ci yer uğrunda mübarizədə yığmamızın əsas rəqibi olan orta asiyalıların baş məşqçisi Miroslav Beranek iyunun 3-dəki görüşdə güvənə biləcəyi heyət haqqında danışıb. Çexiyalı mütəxəssis bildirib ki, Karaqanda “Şaxtyor”unda çıxış edən Jambıl Kukeyev kimi futbolçuları diqqətdən kənarda qoymayacaq: “Azərbaycanla oyun ərəfəsində Kukeyevin əsas heyətdəki yeri haqda düşünəcəyəm. Bunun üçün onun klubundakı çıxışlarını diqqətlə izləyəcəyəm. Gənc futbolçularımız Kayzerslauterndə ən yaxşılardan idi. Mən onların klublarındakı oyunlarına da baxıram. Lakin belə həlledici matçlarda təcrübəli oyunçuların olması da çox vacibdir. Qapışı məsələsində isə Loriya, Sidelnikov, Mokin “3-lüy”ü arasında seçim edəcəyik”.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM