Avro-2012-nin seçmə mərhələsində Azərbaycan millisinin rəqibi olan Almaniya yığmasının kapitanı Filip Lam futbol mövsümünün təqvimindən narazıdır. Apasport.az saytının məlumatına görə, “Bavariya”nın müdafiəçisi Bundesliqanın həftəsonu keçiriləcək turundan sonra iyunun 3-ü və 7-dəki seçmə matçlarınadək olan vaxtı itirilmiş sayır.

Lam iyunun 3-də Vyanada Avstriya, 7-də Bakıda yığmamıza qarşılaşmalar ərəfəsində bu görüşlərin həddən artıq gec keçirildiyini açıqlayıb: “Belə də təqvim olar? Həftəsonu ölkə çempionatında son oyunumuzu keçiririk. Bundan sonra növbəti rəsmi matça qədər 3 həftə vaxtımız qalır. Bu boyda müddətdə oyun praktikasının yoxluğu futbolçulara pis təsir edir. Üstəlik, yay məzuniyyətinin də vaxtı qısalır”.

Qeyd edək ki, Almaniya yığması mayın 29-da da 1 oyun keçirəcək. Lakin Uruqvayla matç yoldaşlıq xarakteri daşıyır.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM