“Mən təslim olmamışam. Heç vaxt belə niyyətim də olmayıb. Mənim Azərbaycana qayıtmaq üçün biletim var”. Apasport.az saytının məlumatına görə, bunu Azərbaycan milli komandasının üzvü Veliçko Çolakov deyib.

Bolqarıstanlı ağır atlet ölkəsində verdiyi açıqlamasında bildirib ki, Azərbaycan yığmasında hansısa qalmaqal yoxdur. Onun sözlərinə görə, bu barədə az öncə yayılmış xəbərlərin hamısı şayiədir: “Biz yaxşı şəraitdə məşq edirik və 90% verdiyimiz vədə əməl etmişik. Bilmirəm ki, bu şayiələri kim yayıb. Azərbaycanda bolqarıstanlı ağırlıqqaldıranların üsyanı yoxdur. Ümid edirəm ki, Bakıya yollanan idmançılar düzgün yol seçiblər”.

Bu arada Bolqarıstanı Yanko Rusevin Azərbaycan yığmasından ayrıldığı barədə xəbər də yayıblar. Lakin Afina-2004-ün bürünc mükafatçısı bu məsələyə şərh verməkdən yayınıb.

Qeyd edək ki, az öncə bolqarıstanlı həmkarlarımız Azərbaycan milli komandasında çıxış edən 5 həmyerlilərinin üsyana hazırlaşdığını bildirirdilər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM