Bakıda taekvondo üzrə kişi və qadınlar arasında beynəlxalq yarış keçiriləcək. Taekvondo Federasiyasından apasport.az saytına verilən məlumata görə, Dünya Taekvondo Federasiyasının (WTF) təqviminə əsasən mayın 27-28-də təşkil ediləcək “Azerbaijan Open” beynəlxalq turnirində yerli idmançılarla yanaşı, Türkiyə, Fransa, Hindistan, Ukrayna, Rusiya və Gürcüstandan 15-dək komanda iştirak edəcək.

Azərbaycan təşkilatçı ölkə kimi yarışa 5 komanda ilə qatılacaq. Ölkəmiz Azərbaycanın 1-ci və 2-ci seçmə komandaları, eləcə də, “Gömrükçü”, “Neftçi” və FHN-nin idmançıları təmsil edəcəklər. Yarış böyüklərin yaş qrupunda bütün çəki dərəcələri üzrə keçiriləcək.

Qeyd edək ki, turnirin mükafatçıları Dünya Taekvondo Federasiyasının reytinq cədvəlində xallarını artırmaq imkanı əldə edəcəklər. “Azerbaijan Open” beynəlxalq taekvondo turniri paytaxtın “Sərhədçi” Olimpiya Mərkəzində təşkil ediləcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM