Hollandiyanın Rotterdam şəhərində boks üzrə qadınlar arasında keçirilən Avropa çempionatı davam edir. Apasport.az saytının məlumatına görə, 60 kq çəki dərəcəsində mübarizə aparan Ayzanat Hacıyeva ikinci döyüşünü də qələbə ilə başa vurub.

Millimizin üzvü sloveniyalı Adreja Besteri 21:10 məğlub edərək, 1/4 finala vəsiqə qazanıb. Hacıyevanın qitə çempionatındakı növbəti rəqibi dünya və Avropa çempionu, 2010-cu ilin dünyanın ən yaxşı boksçusu seçilən irlandiyalı Keti Teylor olacaq.

Mütəxəssislər, Teyloru 60 kq çəki dərəcəsinin əsas favoriti sayırlar. Leyla Cavadova (75 kq) isə artıq Avropa çempionatı ilə vidalaşıb. Gənc boksçumuz təcrübəli isveçli Anna Laurellə döyüşdən məğlub ayrılıb. Final döyüşləri oktyabrın 22-də keçiriləcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM