Gənc boksçularımız Litvanın paytaxtı Vilnüsdə keçiriləcək Olimpiya çempionu Dan Poznyakın xatirəsinə həsr olunmuş yarışda mübarizə aparacaqlar. Boks Federasiyasından apasport.az saytına verilən məlumata görə, martın 15-də start götürəcək turnirdə 5 boksçumuz gücünü sınayacaq.

Heyətə ötən il yeniyetmələr arasında Avropa birinciliyinin bürünc mükafatçısı olmuş Nəsrəddin Məmmədov (56 kq), qitə çempionatının daha bir bürünc medalçısı Rahil Məmmədli (81 kq), Malik Muradov (52 kq), Abdulla Abdullayev (69 kq) və Nəbi Bağırov (75 kq) daxil ediliblər. Komanda Litvaya məşqçilər İlham Alimzanov və Vidadi Tağıyevin rəhbərliyi altında yola düşüb. Turnirə martın 18-də yekun vurulacaq.

Qeyd edək ki, gənclərin bu il əsas yarışı oktyabrda Tailandda keçiriləcək dünya birinciliyidir.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM